Футзалчиларимиз Европада
Кеча футзал бўйича Ўзбекистон миллий терма жамоаси бош мураббий Хосе Мария Мендес етакчилигида Венгрия пойтахти Будапештга етиб борди.
Бугун, 16 сентябрь куни 14 нафар футзалчидан иборат терма жамоа аъзолари эртага Венгрия терма жамоасига қарши ўйин олди машғулотларда иштирок этади.
Айтиш лозимки, ФИФА кунлари доирасидаги футзал учрашувларида Хосе Мария Мендес бошчилигидаги терма жамоамиз аъзолари Будапештда Венгрия, Амстердамда эса Нидерландия миллий терма жамоаларига қарши иккитадан ўртоқлик баҳсида майдонга тушади.
Эртага, 17 ва келаётган шанба, 19 сентябрь куни футзалчиларимиз Будапешт шаҳрида Венгрия терма жамоаси билан, 21 ва 22 сентябрь кунлари эса Амстердам яқинидаги Зейст шаҳрида Нидерландия терма жамоаси билан назорат ўйинларини ўтказади.
Т.Рўзиев, ЎзА
