Францияда оқушылар наразылығынан кейін мектептер жабылады
Францияда оқушылардың наразылық акциялары аясында бүгін, 5 қазанда 400–500 мектепте сабақтар толық немесе ішінара тоқтатылады.
Бұл туралы Францияның білім министрі Эдуар Жефре кеше, 4 қазанда жасаған мәлімдемесінде хабарлады.
Оның айтуынша, мектептердегі қауіпсіздік жағдайы «қамтамасыз етілмегеніне» байланысты сабақтар тоқтатылады. Өйткені, наразылықтар басталғалы бері елдегі 24 мектеп өртелген немесе тоналған. Сондай-ақ 78 білім беру қызметкері жарақат алған.
Ол жұмысы тоқтатылатын мектептер саны биылғы 2 қазандағы көрсеткішке жуық болатынын айтты. Үкімет болса сабақтарды «кезең-кезеңімен, ішінара қалпына келтіруді» жоспарлап отыр.
