Францияда фавқулодда кескин об-ҳаво кузатилмоқда.

“Интерньюс” хабарига кўра, кучли ёмғир оқибатида камида икки киши ҳалок бўлгани айтилмоқда. 12 ёшли болани дарахт босиб қолган, квадроциклда кетаётган 50 ёшли эркак эса бошқарувни йўқотиб, ҳалок бўлган. Шунингдек, 17 киши жароҳатланган.

Парижда аввалига ҳарорат 40 даражага кўтарилиб кетди. Бир неча кун ўтгач, кучли бўрон туриб, ёмғир ёғди. Сел метрони ҳам босди. Сена дарёси қирғоғидан тошган. Кучли довул туфайли шаҳардаги қирққа яқин дарахт қулаган.

Тўфон мамлакат парламент фаолиятини ҳам фалаж қилди: бино шифтидан сув оқиб, Миллий ассамблея сессияси иши тўхтади.

Умуман, ноқулай об-ҳаво ортидан 110 мингга яқин хонадон электрсиз қолди. Синоптиклар маълумотига кўра, айни пайт бўрон шимолдан Франциянинг марказий қисмига кўчган.

<iframe width="640" height="420" src="https://www.youtube.com/embed/-bGfV7wM38M" title="Fransiya parlamenti tomidan chakka o‘tdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

К.Бекжонов, ЎзА