Формула-1: Макс Ферстаппен Мексика Гран-приінде жеңіске жетті
Макс Ферстаппен 2026 жылғы әлем чемпионатының 19-кезеңі — Мексика Гран-приінде жеңіске жетті.
Жарыс Мехико қаласындағы ағайынды Родригестер атындағы автодромда өтті. «Ред Булл» командасының пилоты мәреге бірінші болып жетіп, «Феррари» мен «Мерседес» өкілдерінен басым түсті.
Екінші орынды «Феррари» командасының британдық пилоты Льюис Хэмилтон иеленді. Ал «Мерседес» сапында өнер көрсететін италиялық Кими Антонелли жарысты үшінші болып аяқтады. Антонеллиге чемпиондық атақты мерзімінен бұрын жеңіп алу үшін тоғызыншы орынның өзі жеткілікті болды.
Конструкторлар кубогында «Мерседес» 630 ұпаймен көш бастап келеді. «Феррари» 504 ұпаймен екінші орында тұр және әзірге көшбасшыны қуып жетуге мүмкіндігі бар жалғыз команда болып отыр.
Айта кетейік, белгілі бір жағдайда «Мерседес» келесі кезеңнің өзінде чемпиондық атағын мерзімінен бұрын рәсімдеуі мүмкін.
