Екатеринбургда 191 мамлакат ёшлари жамланди
WAM нашри хабар беришича, Россиянинг Урал минтақасида жойлашган Екатеринбург шаҳрида дунёнинг турли бурчакларидан минглаб ёшларни бирлаштирган Халқаро ёшлар фестивалига старт берилди.
17 сентябрга қадар давом этадиган ушбу анжуманнинг расмий очилиш маросими 13 сентябрь куни бўлиб ўтди. Фестиваль дастуридан экспертлар иштирокидаги муҳокама, шўъба йиғилишлари, маҳорат дарслари ҳамда ранг-баранг маданий тадбирлар ўрин олган.
Мазкур йирик тадбирда қатнашиш учун 113 000 дан кўп ариза тушган. Ташкилотчилар 191 мамлакатдан 10 000 иштирокчини танлаб олди. Сараланган ёшларнинг 5 000 нафари мезбон вакил, қолгани хорижий давлатлардан келган ёшлардир.
Ф.Яхшибоева, ЎзА
