Дунё суратларда
ЎзА ўқувчиларни жаҳонда содир бўлган воқеа-ҳодисалардан суратлар ёрдамида бохабар этишда давом этади.
Хитой: Чжэцзян вилоятидаги Саньхэван боғида гуллаган пушти ўтзорни томоша қилиш ва суратга олиш учун сайёҳлар ҳамда маҳаллий аҳоли тўпланди.
Сенегал: Мбур шаҳрида кучли ёмғир ва бўронли об-ҳавога қарамай, балиқчилар тонг саҳар Пти-Кот ҳудудида денгизга йўл олмоқда. Анъанавий ёғоч пирогаларда денгизга чиққан балиқчилар кунлик овини маҳаллий бозорда сотиш учун олиб қайтишади. Улар мамлакатнинг денгиз маҳсулотлари савдоси ва қайта ишлаш саноатида муҳим ўрин тутади.
Буюк Британия: Шимолий Йоркшир графлигидаги Стэдли-Роял боғидаги буғу.
Франция: Парижда, Элен Буш мактаби яқинида катталар ўқувчиларни ҳимоя қилиш учун жонли занжир ҳосил қилди. Ўқувчилар ўқитувчи етишмаслиги, дарс жадвали зичлиги ва мактаб бинолари эскирганига норозилик билдириб, юзлаб мактабларга кириш йўлини тўсмоқда.
Таиланд: Бангкокда кучли ёмғир оқибатида сўнгги 15 йилдаги энг йирик тошқин юз берди. Шаҳар ва қўшни ҳудудлар бир ҳафтадан ортиқ сув остида қолди. Мамлакат бўйлаб камида 40 киши ҳалок бўлди.
Куба: Гаванада томошабинлар “Impulso Teatro” театр гуруҳи электрсиз намойиш этилган спектаклга кириш жойини ёритган машъалалар ёнидан ўтяпти. Кундалик ток ўчиши театр жамоасига жиддий қийинчилик туғдирмоқда.
Шотландия: Питлори шаҳридаги “Сеҳрли ўрмон” фестивалида томошабинлар Лох-Данмор кўли устида намойиш этилаётган проекция-шоуни томоша қилиш учун тўпланди. Бу йилги мусиқа ва ёруғлик уйғунлиги анжуманнинг 25 йиллигига бағишланди.
АҚШ: Техасда митингга келган Дональд Трампни тарафдорлари олқиш билан кутиб олди. Штат Сенати ўрни учун республикачи Кен Пэкстон ва демократ Жеймс Таларико рақобатлашмоқда.
Буюк Британия: Лондонда Пит Мондрианнинг “Композиция III” картинаси аукционга қўйилди. Асар қиймати 20-30 миллион фунт стерлингга баҳоланган.
Украина: Киев шаҳрида Россия дрон ҳужумидан зарар кўрган беш қаватли турар-жой биноси ташқарисида қутқарувчилар ишлаяпти.
Италия: Римда Бош вазир Жоржа Мелони таклиф қилган баҳсли сайлов ислоҳоти бўйича якуний овоз бериш куни парламент қуйи палатаси депутатлари норозилик билдирди.
Фардона Яхшибоева, ЎзА
