Дунё суратларда
ЎзА ўқувчиларни жаҳонда содир бўлган воқеа-ҳодисалардан суратлар ёрдамида бохабар этишда давом этади.
Вашингтон, АҚШ. “Марти номли буғу” сенатор Жинн Шейхин идораси ходимлари ёрдамида Капитолий тепалигида ўтказилган “Experience New Hampshire” тадбирига кўчирилди.
Бусра ал-Ҳарир, Сурия. Ливан жанубида Исроил зарбаси оқибатида ҳалок бўлган Ал-Ҳаририйлар оиласининг тўрт нафар аъзоси дафн этилди.
Париж, Франция. Инсталляция ноқулай об-ҳаво сабаб шикастлангач, рассом ЖР ижодига мансуб “Ла Каверн” асарининг бир қисми таъмирлаш учун Пон-Нёф кўпригидан олиб қўйилди.
Украина. Кечаси амалга оширилган ракета зарбасидан сўнг одамлар ҳудудни тозаламоқда. Ҳужум натижасида уч киши, жумладан 22 ёшли ҳомиладор аёл ҳалок бўлган, бир неча киши яраланган.
Пхеньян, Шимолий Корея. Хитой раиси Си Цзиньпин Шимолий Корея етакчиси Ким Чен Ин билан учрашувдан сўнг аэропорт томон йўл олган кортежда кузатилди.
Йоханнесбург, Жанубий Африка. Кливленд суд-криминалистика гуруҳи аъзолари норасмий аҳоли яшаш ҳудудида содир бўлган отишма жойидан жасадни олиб чиқмоқда.
Янги Гвинея. Бисмарк денгизидаги сув ости вулқони яқинида тутун кўтарилаётгани сунъий йўлдош тасвирида акс этган.
Ғазо шаҳри. Инсонпарварлик ёрдам танқислиги кучайган шароитда аёллар ва болалар хайрия ошхонасида таом олиш учун навбат кутяпти.
Ньюфаундленд, Канада. Баффин ороли ва Гренландиядан ҳар баҳор ажралиб чиқадиган йирик муз парчаси қирғоқ бўйидаги “Мистейкен-Пойнт” экология қўриқхонаси яқинида сузиб юрибди. Бундай муз бўлаклари соҳил бўйлаб чўзилган “Айсберг Элли” деб аталадиган йўлак орқали ҳаракатланади.
Глан, Филиппин. Сарангани музофотини 7,8 магнитудали зилзила ларзага солган, маҳаллий аҳоли ўз уйларига етган зарарни баҳоламоқда.
Берлин, Германия. Шарите Вирхов шифохонасида икки ҳамшира дезинфекция симуляциясида иштирок этяпти. Шу муассасада бир неча кун олдин Конго Демократик Республикасида Эбола вирусини юқтирган бемор муваффақиятли даволаниб, соғайиб чиққан.
Дурбан, Жанубий Африка. Ксенофобик ҳужум сабаб уйини ташлаб қочган хорижий фуқаролар хиёбондан бошпана топди. Гана, Мозамбик, Малави каби давлатлар шу ой Жанубий Африкадан юзлаб фуқаролари ватанга қайтарган.
Гавана, Куба. Ёнилғи тақчиллиги иқтисодиётга салбий таъсир кўрсатиши оқибатида маҳаллий ҳокимият мунтазам санитария хизматини таъминлашга қийналаётгани сабабли, кўчада чиқинди тўпланиб қолган.
Франция. Дунёнинг энг қадимий автоспорт чидамлилик пойгаси “24 соатлик Ле Ман” бошланишидан олдин гиперкарлар старт чизиғида сафланиб турибди.
Буэнос-Айрес, Аргентина. Футбол афсонаси Диего Марадонанинг мухлислари унинг ўлими билан боғлиқ суд жараёнидаги эшитув вақти суд биноси ташқарисида тўпланган.
Ньюпорт-Бич, АҚШ. Жанубий Калифорния соҳилидаги кучли жанубий тўлқин чоғи “Wedge” ҳудудида Серфер мувозанатини йўқотиб, сувга йиқилди.
Могадишо, Сомали. Ҳакам Умар Абдулқодир Артан АҚШга киришга рухсат берилмагани учун ФИФА Жаҳон чемпионати ўйинларида ҳакамлик қила олмай, юртига қайтиб келди. Сомалида уни қаҳрамон сифатида кутиб олишди.
Ла Либертад, Сальвадор. “Кристина” тропик бўрони яқинлашиши билан ҳосил бўлган кучли тўлқин ёпилган қирғоқ йўлагига урилди.
Картахена, Колумбия. “Ватанни қутқарувчилар” ҳаракати номзоди ва Трамп тарафдори сифатида танилган Де ла Эсприэлья Абелардо тарафдорлари 21 июнда бўлиб ўтадиган иккинчи тур олдидан ўтказилган сайлов олди митингида иштирок этмоқда.
Фардона Яхшибоева, ЎзА
