Чим устида хоккей: “Президент олимпиадаси” финалчилари аниқланди
Олимпия шаҳарчасида “Президент олимпиадаси” доирасидаги чим устида хоккей бўйича ўғил болалар ўртасидаги республика саралаш мусобақасининг ғолиб ва совриндорлари аниқланди.
Юксак спорт маҳорати, матонат ва ғалабага бўлган интилишларни намоён этган жамоалар мухлисларга муросасиз ва қизиқарли баҳсларни туҳфа этди.
Республика саралаш баҳсларининг сўнгги кунида Андижон вилояти жамоаси Қорақалпоғистон Республикасини 5:2, Наманган вилояти вакиллари Фарғона жамоасини 3:1, навоийлик чим устида хоккейчилар Бухоро вилояти вакилларини 10:0 ҳамда Тошкент вилояти хоразмлик тенгдошларини 1:0 ҳисобида мағлубиятга учратди.
Саралаш мусобақалари якунларига кўра, Навоий, Андижон, Наманган ҳамда Тошкент вилояти жамоалари “Президент олимпиадаси”нинг финал йўлланмасини қўлга киритди.
Т.Рўзиев, ЎзА
