Чекловлар ортида нималар яширин? Никотин бўйича очиқ муҳокама (+видео)

Пойтахтда никотинли муқобилларни тартибга солишга бағишланган халқаро экспертлар давра суҳбати бўлиб ўтди. Ҳятт Регенcй Ташкентда ташкил этилган тадбирда иқтисодчилар, тиббиёт соҳаси вакиллари, халқаро экспертлар ва журналистлар иштирок этди.

Муҳокамаларда амалдаги чекловларнинг самарадорлиги, ноқонуний савдо хавфи ва жамоат саломатлигига таъсири асосий мавзу бўлди. Мутахассислар яширин бозор ва контрабанда сифатсиз маҳсулотлар тарқалишига сабаб бўлиши мумкинлигини таъкидлади. 

Тадбирда халқаро тажрибага ҳам алоҳида эътибор қаратилди. “Wе Аре Инноватион” халқаро ташкилоти директори чекиш даражасини камайтиришда инновацион ёндашувлар ҳақида фикр билдирди. Шунингдек, экспертлар айрим давлатларда қўлланилаётган тартибга солиш механизмларини мисол сифатида келтирди. 

Мутахассислар ноқонуний ва сифатсиз маҳсулотларнинг инсон саломатлигига таъсири масаласига ҳам алоҳида тўхталди. Онколог Яҳё Зиёев никотинга қарамликнинг олдини олиш бўйича тарғибот ишлари мактаб ёшидан бошланиши кераклигини таъкидлади. 

Давра суҳбати якунида иштирокчилар Ўзбекистонда никотинли муқобилларни тартибга солиш масалаларини экспертлар даражасида янада чуқурроқ муҳокама қилиш ҳамда соҳа бўйича аниқ тавсия ва таклифлар ишлаб чиқиш зарурлиги юзасидан фикр билдирди.

<iframe width="815" height="458" src="https://www.youtube.com/embed/r-Z0h1or4ac" title="Cheklovlar ortida nimalar yashirin? Nikotin bo`yicha ochiq muhokama " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Феруза Султанова, Дониёр Якубов, Салимжон Обиджонов (видео), ЎзА