Баскетбол 3х3: Ўзбекистон U23 чемпионлари аниқланди

Пойтахтимиздаги “Олимпия шаҳарчаси” ўйин турларига ихтисослашган мажмуасида баскетболнинг 3х3 йўналиши бўйича эркаклар жамоалари ўртасида ўтказилган U23 Ўзбекистон кубоги баҳслари муросасизлиги ва иштирокчиларнинг кўплиги билан алоҳида ажралиб турди.

Ўтган йиллар давомида баскетбол 3х3 мусобақаларида 10 тага етар-етмас жамоалар иштирок этган бўлса, бу йилги биринчиликда мамлакатимизнинг барча ҳудудларидан 15 та жамоа ғолиблик йўлида ўз омадини синовдан ўтказди.

Қизиқарли ва шиддатли беллашувларга бой кечган чемпионат якунига кўра, Ўзбекистон давлат жисмоний тарбия ва университети жамоасига мамлакат чемпионлигини қўлга киритди. 2-ўринни Марказий ҳарбий спорт клуби вакиллари эгаллади. 3-ўриндан Чирчиқ жамоаси жой олди.

Т.Рўзиев,

ЎзА