БАӘ Президенті Өзбекстан басшысын туған күнімен құттықтады

Өзбекстан Республикасының Президенті Шавкат Мирзиёев Біріккен Араб Әмірліктерінің Президенті Шейх Мұхаммед бен Заид Әл Нахаянмен телефон арқылы сөйлесті.

Сұхбат басында БАӘ Президенті Мемлекет басшысын туған күнімен шын жүректен құттықтап, оған зор денсаулық пен бақ-береке, жауапты мемлекеттік қызметінде толағай табыстар, ал бауырлас Өзбекстан халқына бейбітшілік пен тұрақты өркендеу тіледі.

Әңгімелесу барысында Өзбекстан мен Біріккен Араб Әмірліктері арасындағы стратегиялық серіктестік байланыстарының нығайып келе жатқаны және ірі бірлескен жобалардың қарқынды жүзеге асырылып жатқаны ерекше атап өтілді.

Тараптар белсенді саяси диалогты жалғастыруға, сондай-ақ сауда-экономикалық, инвестициялық және мәдени-гуманитарлық бағыттардағы көпқырлы ынтымақтастықты одан әрі жандандыруға келісті.

Сонымен қатар екі ел басшысы өңірлік маңызы бар өзекті мәселелер мен күн тәртібіндегі басқа да тақырыптар бойынша пікір алмасты.