АҚШ сенати марҳум Линдси Грэм таклифи асосидаги қонун лойиҳасини қабул қилди
АҚШ сенати марҳум сенатор Линдси Грэм ташаббуси билан илгари сурилган, Россияга нисбатан "шафқатсиз санкция қўллаш"ни назарда тутадиган қонун лойиҳасини қабул қилди. Мунозара чоғида зарур 60 овоздан кўпроқ – 86 сенатор ҳужжатни ёқлаб овоз берди, 11 сенатор қарши чиқди. Энди қонун сентябргача танаффусда бўлган Вакиллар палатасига юборилади.
Ушбу лойиҳа РФ амалдорлари, олигархлари, банклари, компаниялари ва “яширин флоти”га тегишли кемаларга қарши санкция жорий этади. Шунингдек, АҚШ Президентига Россия нефть ва газининг салмоқли ҳажмини сотиб оладиган ёки энергетика санкциясини четлаб ўтишга ёрдам берадиган мамлакатларга тариф қўллаш имконини ҳам беради.
Украина Президенти Владимир Зеленский ушбу ташаббусни қўллаб-қувватлагани учун Сенатга миннатдорлик билдирди.
– Мазкур ҳужжат қабул қилиниши мустақиллигимиз ва халқимизга қарши урушни тугатиш учун тажовузкорга босимни кучайтиришга ёрдам беради, – деган у.
Давлат раҳбари сўзларига кўра, айнан Қўшма Штатлар томонидан ҳақиқий, кучли босим ва Россияга қарши санкция тинчликка эришиш учун кўпроқ ёрдам бериши мумкин.
С.Раҳимов, ЎзА
