“Амир Темур ва темурийлар мероси” илмий семинари ўтказилди (+видео)
Фанлар академияси Тарих институтида Ўзбекистон Республикаси Президентининг “Буюк давлат арбоби ва саркарда, илм-фан, маданият ва санъат ҳомийси Соҳибқирон Амир Темур таваллудининг 690 йиллигини кенг нишонлаш тўғрисида”ги 2026 йил 5 февралдаги ПҚ-46-қарорининг 1-иловаси 2-бандида белгиланган “Амир Темур ва темурийлар мероси” доимий халқаро илмий семинарининг биринчи йиғилиши уюштирилди.
Унда дунёнинг 10 дан ортиқ мамлакатларидан, хусусан, Ўзбекистон, Тожикистон, Қозоғистон, Россия, Эрон, Туркия, Покистон, АҚШ, Канада, Италия, Германия, Франция, Австриядан 60 дан ортиқ мутахассислар иштирок этишди.
Семинар давомида Амир Темур ва Темурийлар даврини ўрганишдаги илмий тадқиқотларни мақсадли олиб бориш орқали Темурийлар салтанатининг ижтимоий-иқтисодий ҳолати, ҳунармандчилик ва ишлаб чиқариш соҳалари ҳамда маданий таъсирини тўлиқ тасаввур қилиш учун имкон бўлишига эътибор қаратилди. Шунингдек, келгуси тадқиқотлар учун муҳим таклифлар илгари сурилиб, жумладан, Темурийлар даврини тизимли ўрганишда палеоэкология, GIS-технологиялар ва палеоэпидемиология билан бирга ўрганишни, ишлаб чиқариш марказларини излашни, шу билан бирга темурийлар салтанатининг тўлиқ археологик харитасини яратишнинг долзарблиги кўрсатиб берилди.
<iframe width="815" height="458" src="https://www.youtube.com/embed/c82LS2mtG8A" title="“Amir Temur va temuriylar merosi” ilmiy seminari o`tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Улуғбек Тўхтаев (видео), ЎзА
