Америка матбуоти Трампга бойкот эълон қилди (+видео)
Американинг энг йирик телеканаллари Дональд Трампнинг расмий тадбирларини ёритишдан бош тортди. Бунга Оқ уй CNN журналистларининг президентга ҳамроҳ бўлиб юрадиган матбуот гуруҳи – телепул таркибида ишлаш ҳуқуқидан маҳрум қилгани сабаб бўлди. Бу ҳақда "Euronews" хабар тарқатган.
Оммавий ахборот воситалари Оқ уйни судга бериб, Трамп маъмуриятини сўз ва матбуот эркинлигини бузишда айблади ва Президент иштирокидаги расмий тадбирларни ёритишдан бош тортди. Журналистлар аккредитацияси бекор қилинди. Хусусан, CNN беш энг йирик телеканалдан иборат телевизион пулда ишлаш ҳуқуқидан маҳрум қилинди.
Телепул таркибига ABC, CBS, NBC ва Трампга хайрихоҳ “Fox News” ҳам киради. Бу каналлар навбатма-навбат етакчининг сафарларини ёритиб боради. Аслида Президентнинг БМТ Бош Ассамблеясидаги иштирокини CNN ёритиши керак эди. Бойкот натижасида Оқ уй матбуот хизмати тарқатган Трамп нутқи видеоси овозсиз эфирга узатилди.
– Бугундан бошлаб телепул Президент тадбирларини ёритмайди, – дейилган “Fox” телеканали Вашингтон бюроси раҳбари Брайан Буттон мактубида. – Бунга Оқ уй CNN мухбирига телепулдаги вазифани бажариш учун рухсат бермагани сабаб.
ABC, CBS, CNN, “Fox” ва NBC қўшма баёнотида шундай дейилган:
– Жамият ўз ҳукумати ҳақида аниқ ва мустақил маълумот олишдан жуда манфаатдор. Ҳеч бир маъмуриятга ОАВ фаолиятини фақат муайян хабар ёқмагани учун чеклаш мумкин эмас.
Бошқа ОАВ ҳам бирдамлик белгиси сифатида шундай чора кўрди. Жумладан, қатор нашрлар Трамп иштирокидаги тадбирлардан олинган фотосуратларни чоп этмади. Бойкот натижасида баъзи муҳим тадбирлар ёритилмади. Душанба куни таҳририятлар маъмуриятни судга беришга қарор қилинганини айтди.
<iframe width="650" height="420" src="https://www.youtube.com/embed/IVDahRpOf_s" title="Amerika OAVlari Trampga boykot e’lon qildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, ЎзА
