Акбар Жураев Азия ойындарының рекордын жаңартып, алтын медаль еншіледі
Жапония қабылдап жатқан ХХ Азия ойындарының 29 қыркүйектегі жарыстарында өзбекстандық спортшылар садақ ату, киберспорт, оқ ату, слаломда ескек есу, велотрек, суға секіру, ауыр атлетика, волейбол, теннис, бокс және жеңіл атлетикадан бақ сынап жатыр.
Жарыс барысында, ауыр атлетикадан ерлер арасында 110 келі салмақ дәрежесінде өнер көрсеткен отандасымыз Акбар Жураев алтын медаль жеңіп алды. Ол жұлқа көтеруде алғашқы талпынысында 190 келіні бағындырып, Азия ойындарының рекордын жаңартты. Ал үшінші мүмкіндігінде 197 келіні көтеріп, әлемдік рекорд орнатты.
Акбар Жураев серпе көтеруде 226 келі нәтижесін көрсетіп, екі сайыс қорытындысында 423 келіні бағындырды. Осылайша ол Азия ойындарының чемпионы атанды. Нәтижесінде Өзбекстан делегациясының қоржынындағы алтын медаль саны 13-ке жетті.
Қазіргі уақытта Өзбекстан құрамасының еншісінде 13 алтын, 17 күміс және 13 қола медаль бар. Жалпы медаль саны – 43.
