Yaponiya poytaxti Tokioda 2020 Yozgi Olimpiada oʻyinlariga tayyorgarliklar boshlab yuborilgan

Yaponiya poytaxti Tokioda 2020 Yozgi Olimpiada oʻyinlariga tayyorgarliklar boshlab yuborilgan.

 “Tokioning sport va madaniyat tadbirlarini tashkillashtiruvchi kompaniyasi 2020 yilgi Yozgi Olimpiada oʻyinlari vaqtida “gʻildirakli” masjid tashkillashtirishni koʻzlamoqda“, deb yozadi “Japan inside“ elektron nashri.

“Yaponiyada masjidlar koʻp emas. Musulmonlarga bu noqulaylik tugʻdirishi mumkin. Harakatlanuvchi Masjid esa ayni muddao. Maqsad Olimpiya oʻyinlariga keluvchi musulmon mehmonlar uchun sharoit yaratishdir. Biz Yaponcha “Omotenashi”ni (mehmondoʻstlik) namoyon etmoqchimiz”, deydi tashkilotchilardan boʻlgan Yasuxari. I.

Masjidli mashinalar ichi 48 metr kvadrat maydonni tashkil etadi va u oʻziga 50 kishini sigʻdira oladi. Mashinada tahorat olish uchun qulayliklar ham mavjud. Masjidli mashina ilk bor shu hafta J – Liga futbol oʻyinlari uchrashuvida musulmon futbol ishqibozlariga “xizmat qilgan”.

Hozirda Yaponiyada 200 mingga yaqin musulmonlar istiqomat qiladi.