Yosh bokschilarimiz muvaffaqiyati
Boks bo‘yicha O‘zbekiston terma jamoasi Qirg‘izistonda o‘smirlar o‘rtasida o‘tkazilgan xalqaro turnirda 4 oltin, 2 kumush medalni ko‘lga kiritdi.
Boks bo‘yicha O‘zbekiston terma jamoasi Qirg‘izistonda o‘smirlar o‘rtasida o‘tkazilgan xalqaro turnirda 4 oltin, 2 kumush medalni ko‘lga kiritdi.Vazni 48 kilogrammgacha bo‘lgan bokschilar bellashuvida Bekzod Turdialiyev qirg‘izistonlik Maqsad Yusupov va qozog‘istonlik Gaziz Qanini mag‘lubiyatga uchratib, final yo‘llanmasini qo‘lga kiritdi. Hal qiluvchi bahsda Bekzod mezbon Baxtibek Sadirbek o‘g‘lini 3:0 hisobida yengdi va oltin medalga sazovor bo‘ldi.
Anvarjon Siddiqov, Hasan Musaxonov, Ibrohimjon Ortiqov o‘z vazn toifalarida shohsupaning eng yuqori pog‘onasidan joy egalladi. Shuningdek, finalga qadar barcha raqiblari ustidan zafar quchgan Azimjon Ergashev va Lutfullo Habibullayev terma jamoamiz hisobiga kumush medallarni qo‘shib qo‘ydi.