Размер шрифта: A A A
Цвет сайта: A A A A

10.10.2017 14:05 Chop etish versiyasi

Yengil atletikachilarimizning qirqta medali

Yengil atletika bo‘yicha O‘zbekiston o‘smirlar terma jamoasi Qirg‘izistonda o‘tkazilgan xalqaro turnirda 15 oltin, 13 kumush va 12 bronza medalni qo‘lga kiritdi.

Musobaqaning turli masofaga yugurish bahslarida Azamat Taurov, Mirsaid Qahhorov, Xislatjon Murodjonov, Husnida Ahmedova, Madina Husanova marra chizig‘ini birinchi bo‘lib bosib o‘tdi. Shuningdek, 100 metrga estafeta bahslarida terma jamoamiz oltin medalni qo‘lga kiritdi.

Qizlar o‘rtasida yadro va nayza uloqtirishda Mahliyo Tojialiyevaga teng keladigan topilmadi. Nosirbek Bekatov nayza uloqtirishda, Mehroj Mamatqulov yadro uloqtirishda shohsupaning birinchi pog‘onasidan joy oldi.

Uzunlik va balandlikka sakrashda Zebo Jumabekova, Diyor Mansurjonov va Saidali Saidnabiyev g‘oliblikni qo‘lga kiritdi.

Terma jamoamiz a’zolari Bekzod Nasaydinov, Mahmud Qarshiboyev, Vadim Chkalov, Asadbek Sulaymonov, Shuhrat Azimov, Umid Abduraimov, Ma’murjon Mamatazimov, Aziza Rahmatullayeva, Dilbarxon Abdulhamidova, Gulshoda Qosimova, Fariza Abduvaliyeva, Shohsanam Xurramova, Farida Yashinova va Odina Husanova yugurish, to‘siqlar osha yugurish, nayza va yadro uloqtirish, balandlikka va uzunlikka sakrash bahslarida sovrindorlar qatoridan joy oldi.

Javohir Toshxo‘jayev, O‘zA
2 491






Все о погоде - Pogoda.uz