Navoiy viloyatining Uchquduq tumanida usti yopiq mini-futbol maydoni foydalanishga topshirildi.

Navoiy viloyatining Uchquduq tumanida usti yopiq mini-futbol maydoni foydalanishga topshirildi.

Maydonning ochilishiga bag‘ishlangan marosimda mamlakatimizda aholining sport bilan muntazam shug‘ullanishi uchun zamonaviy va qulay shart-sharoit yaratish, yangi sport inshootlari qurish va mavjudlarini ta’mirlash, bolalar sportini rivojlantirish bo‘yicha keng ko‘lamli ishlar amalga oshirilayotgani alohida ta’kidlandi.

Stadion yilning istalgan faslida nafaqat mini-futbol, balki qo‘l to‘pi, kurash, stol tennisi, voleybol kabi sport turlari bilan ham shug‘ullanish uchun keng imkoniyat yaratadi.

– Shu paytga qadar yog‘in-sochinli kunlarda futbol o‘ynash uchun imkoniyat yo‘q edi, – deydi uchquduqlik o‘spirin Sirojiddin Normurodov. – Endi uyimizga yaqin ushbu stadionda to‘p suramiz. Muhimi, vaqt va mablag‘imiz tejaladi. Sport bilan muntazam shug‘ullanishimiz uchun davlatimiz tomonidan yaratib berilayotgan bunday zamonaviy sharoitlar biz, yoshlarga kuch-g‘ayrat, shijoat bag‘ishlab, g‘amxo‘rlikka munosib bo‘lish tuyg‘usini kuchaytirayotir.