Размер шрифта: A A A
Цвет сайта: A A A A

13.01.2018 08:45 Chop etish versiyasi

Shohjahon Ergashevning o‘n ikkinchi g‘alabasi

Shohjahon Ergashevning o‘n ikkinchi g‘alabasi AQSHning Nyu-York shahrida joylashgan “Turning Stone Casino Resort” arenasida Shohjahon Ergashev o‘zining navbatdagi jangini o‘tkazdi.

Bokschimiz mazkur bahsda amerikalik Soni Fredriksonga qarshi ringga ko‘tarildi. Bellashuv boshlanishi bilan shiddatli usulda harakat qilgan bokschimiz raqibiga qator zarbalar yo‘lladi.

Uchrashuvning ikkinchi raundida o‘z g‘alabasiga ishongan Shohjahon himoyalanmagan holda jangni davom ettirdi. Uchinchi raundida mahoratli bokschimiz raqibiga ketma-ket kuchli zarbalar yo‘lladi. Bu zarbalarga dosh bera olmagan Soni nokautga uchradi.

Shu tariqa yengilmas bokschimiz professional boksdagi o‘n ikkinchi jangida g‘alaba qozondi

Javohir Toshxo‘jayev, O‘zA
3 095