Qarshi shahrida “Nasaf” futbol klubi o‘rinbosarlarining yangi o‘quv-mashg‘ulot bazasi ochilishiga bag‘ishlangan tadbir o‘tkazildi.

Qarshi shahrida “Nasaf” futbol klubi o‘rinbosarlarining yangi o‘quv-mashg‘ulot bazasi ochilishiga bag‘ishlangan tadbir o‘tkazildi.

O‘zbekiston futbol federatsiyasi mutasaddilari, futbol maktablari rahbarlari, sportchilar hamda keng jamoatchilik vakillari ishtirok etgan tadbirda Prezidentimiz rahnamoligida futbol, xususan, bolalar futbolini yanada rivojlantirish, futbol maktab va klublari moddiy-texnik bazasini mustahkamlash, xalqaro maydonda Vatanimiz sharafini munosib himoya qilishga qodir yoshlarni tarbiyalashga ulkan e’tibor qaratilayotgani alohida ta’kidlandi. 

Keyingi yillarda viloyatda bu borada ham keng ko‘lamli ishlar amalga oshirilayotir. Yangi o‘quv-mashg‘ulot bazasi milliy va olimpiya terma jamoalarimizga munosib vakillar yetkazib berishga munosib hissa qo‘shadi. 

Tadbir ishtirokchilari "Nasaf"ning yangi o‘quv-mashg‘ulot bazasida yaratilgan shart-sharoitlar bilan yaqindan tanishdi. 

Ushbu klub tarbiyalanuvchilari mamlakat va xalqaro miqyosda o‘tkazilayotgan turnirlarda g‘olib va sovrindorlar qatoridan joy olib kelmoqda. O‘tgan yili mazkur maktabning 2000-yilda tug‘ilgan bolalardan tarkib topgan jamoasi Ukrainada o‘tkazilgan xalqaro turnirda bosh sovrinni qo‘lga kiritgani bunga misoldir.