Poytaxtimizda armrestling bo‘yicha O‘zbekiston kubogi yakunlandi.

Poytaxtimizda armrestling bo‘yicha O‘zbekiston kubogi yakunlandi.

O‘zbekiston Respublikasi Madaniyat va sport ishlari vazirligi va boshqa qator tashkilotlar hamkorligida tashkil etilgan musobaqada Qoraqalpog‘iston Respublikasi, viloyatlar va Toshkent shahridan bir yuz ellik nafarga yaqin sportchi ishtirok etdi.

O‘g‘il bolalar o‘rtasida Habibullo Xudoyberganov, Doston Shomahmudov, Aziz Tojiyev, Murod Bo‘ronov, Komil Kirimov, Muhammadamin Ne’matullaev, Islomjon Bahromov o‘z vazn toifalarida shohsupaning yuqori pog‘onasidan joy oldi.

Qizlar o‘rtasidagi bahslarda Go‘zal Qarshiyeva, Aziza Saidova, Ilvina Mustafina, Dildora O‘rinova, Maftuna Saidolimova, Malika Usmonova, Gulshan Asatova g‘oliblikni qo‘lga kiritdi.

Umumjamoa hisobida Navoiy viloyati sportchilari birinchi, Samarqand viloyati jamoasi ikkinchi, Sirdaryo viloyati vakillari uchinchi o‘rinni egalladi. Mazkur musobaqa g‘oliblari 2015-yili Malayziyada bo‘lib o‘tadigan jahon chempionatida Vatanimiz sharafini himoya qiladi.