Размер шрифта: A A A
Цвет сайта: A A A A

13.03.2017 12:46 Chop etish versiyasi

Bokschilarimiz xalqaro turnirda muvaffaqiyat qozonmoqda

Boks bo‘yicha O‘zbekiston yoshlar terma jamoasi Qozog‘istonda o‘tkazilayotgan xalqaro turnirda muvaffaqiyatli ishtirok etmoqda.

Dunyoning o‘nga yaqin davlatidan yosh charm qo‘lqop ustalari ishtirok etayotgan musobaqada 91 kilogramm vazn toifasida Jamshidbek Muhammadaliyev qozog‘istonlik raqibi Botirxon O‘razbekovdan ustun kelib, yarim finalga chiqdi.

64 kilogramm vazn toifasida bellashayotgan Asadbek Shodiboyev qozog‘istonlik raqiblari Birjan Bukeyxonov hamda Murat Turmanbetovni mag‘lubiyatga uchratib, final yo‘llanmasi uchun jang qiladigan bo‘ldi. Vazni 56 kilogrammgacha bo‘lgan bokschilar o‘rtasida Zoirjon Jumanazarov mezbon bokschilar Abay Turaliyev, Margulan Ramazonni yengdi va yarim final bahsida ishtirok etish huquqini qo‘lga kiritdi.

Javohir Toshxo‘jayev, O‘zA
340






Все о погоде - Pogoda.uz