“Nafis”ning nafosatli qizlari

O‘zA, Tohir Istatov (surat), 22.02.2012 19:27

Suratda: iqtidorli gimnastikachi, Zulfiya nomidagi Davlat mukofoti sovrindori Husniyabonu G‘ulomova.

Buxoro shahridagi “Nafis” sport majmuasi xalqaro musobaqalarda yurtimiz sharafini munosib himoya qilishga qodir sportchilarni tayyorlanayotgan, badiiy gimnastikaning keng ommalashib, rivojlanishiga salmoqli hissa qo‘shayotgan mahorat maktablaridan. Murabbiylar va sportchilar uchun zarur shart-sharoitlar yaratilgan majmuadagi balet hamda mashg‘ulot zallari, yuvinish, dam olish xonalari zamonaviy usulda jihozlangan. Ayni paytda bu yerda 250 nafar qiz 10 tajribali murabbiyadan badiiy gimnastika sir-asrorlarini o‘rganmoqda. Bu nafis sport turi bilan shug‘ullanayotgan nafosat malikalari orasida xalqaro musobaqalarning sovrindorlari ko‘p. Ulardan biri Husniyabonu G‘ulomova 2010 yili badiiy gimnastika bo‘yicha Osiyo chempionatida g‘oliblar qatoridan joy olgan, o‘sha yili Zulfiya nomidagi Davlat mukofotiga munosib topilgan.

Hozir Buxoro viloyatining barcha shahar va tumanlaridagi badiiy gimnastika seksiyalarida faoliyat yuritayotgan murabbiylarga uslubiy yordam ko‘rsatish maqsadida “Nafis” sport majmuasida o‘quv mashg‘ulotlari yo‘lga qo‘yilgan.

So‘nggi yangiliklar:

Kompyuter dasturlari namoyishi

Energetiklarning xalqaro forumi

Oqsaroyda qabul

Endokrinologiyada zamonaviy texnologiyalar

“Bunyodkor” – nimchorak finalda