Размер шрифта: A A A
Цвет сайта: A A A A

03.08.2018 10:31 Chop etish versiyasi

Shifokorlar Milliy palatada ro‘yxatdan o‘tmasdan faoliyat yuritishi taqiqlanadi

Shifokorlar Milliy palatada ro‘yxatdan o‘tmasdan faoliyat yuritishi taqiqlanadi
Avval xabar berganimizdek, Prezidentning 2018-yil 2-avgustda “O‘zbekiston Respublikasida sog‘liqni saqlashni boshqarishning innovatsion modelini joriy etish chora-tadbirlari to‘g‘risida”gi qarori bilan Innovatsion sog‘liqni saqlash milliy palatasi tashkil etildi.

Xalqaro standartlarga mos sog‘liqni saqlash infratuzilmasini yaratishga, shu jumladan, tibbiyot va farmatsevtika tashkilotlarini zamonaviy uskunalar va ilg‘or axborot-kommunikatsiya texnologiyalari bilan jihozlash Milliy palataning asosiy vazifalaridan biri etib belgilandi. 

Milliy palataning hududiy bo‘linmalari tashkil etiladi.

Qarorga muvofiq, 2021-yil 1-yanvardan shifokorlar va provizorlarning Milliy palatada ro‘yxatdan o‘tmasdan faoliyat yuritishi taqiqlandi.

Bundan tashqari, Milliy palata 2022-yil 1-yanvarga qadar muddatda barcha turdagi soliqlar va davlat maqsadli jamg‘armalariga majburiy ajratmalardan ozod etildi.

Shuningdek, Innovatsion sog‘liqni saqlashni qo‘llab-quvvatlash jamg‘armasi tashkil etildi.

Jamg‘arma mablag‘lari, quyidagilarga yo‘naltiriladi:

Milliy palatani saqlash, uning faoliyatini moddiy-texnik ta’minlash va xodimlarini moddiy rag‘batlantirish;

xalqaro standartlarga muvofiq ilg‘or tibbiyot va farmatsevtika tashkilotlarini tashkil etish, shuningdek, ularni zamonaviy uskunalar va axborot-kommunikatsiya texnologiyalari bilan jihozlash;

zamonaviy klinik qo‘llanmalar va protokollar, diagnostika va davolash sifatiga oid standartlar, tibbiyot tashkilotlarini moddiy-texnik jihozlash standartlarini ishlab chiqish va joriy etishni tashkil qilish;

respublika tibbiyot va farmatsevtika tashkilotlarining binolari, inshootlari va boshqa infratuzilmasini qurish, ularni zamonaviy uskunalar bilan, shu jumladan, lizing shartlarida jihozlashga qaytarish sharti bilan va imtiyozli asosda mablag‘ ajratish;

tibbiyot va farmatsevtika xodimlarini xorijda tayyorlash va qayta tayyorlash, shuningdek, o‘qitish, malaka oshirish va tajriba almashishni respublikada tashkil etish uchun xorijiy mutaxassislarni jalb etish bilan bog‘liq xarajatlarni moliyalashtirish;

respublika shifokorlari va provizorlari to‘g‘risida umumiy foydalanish uchun ochiq bo‘lgan yagona elektron ma’lumotlar bazasini yaratish va yuritish, shuningdek, zamonaviy axborot-kommunikatsiya texnologiyalarini joriy etish;

sog‘liqni saqlash sohasida xayriya faoliyatini amalga oshirish;

Milliy palata zimmasiga yuklatilgan vazifalarni bajarishga qaratilgan boshqa tadbirlarni moliyalashtirish.

O‘zA
2 814