Размер шрифта: A A A
Цвет сайта: A A A A

06.03.2017 15:59 Chop etish versiyasi

Qishloqlarda bayram tadbirlari

Xalq bilan muloqot va inson manfaatlari yilining maqsad va vazifalaridan kelib chiqib, 8-mart – Xalqaro xotin-qizlar kuniga bag‘ishlangan madaniy-ma’rifiy tadbirlar Jizzax viloyatining ham barcha shaharu qishloqlarida, mahalla va muassasalarida o‘tkazilmoqda.

Do‘stlik tumanidagi Bog‘zor qishlog‘ida turli millat vakillaridan iborat 4 mingdan ziyod aholi istiqomat qiladi. Xotin-qizlar bayrami, Navro‘z shodiyonalariga tayyorgarlik asnosida ko‘cha va xonadonlar, jamoat joylarida olib borilayotgan bunyodkorlik va obodonlashtirish ishlari tufayli qishloq yanada chiroy ochmoqda.

8-mart – Xalqaro xotin-qizlar kuniga bag‘ishlab tashkil etilgan tadbirda o‘zining mehnatdagi, ijod va sportdagi muvaffaqiyatlari, jamoat ishlaridagi faolligi, shuningdek, farzand tarbiyasi bilan ko‘pchilikka ibrat bo‘layotgan ayollarga alohida hurmat-ehtirom ko‘rsatildi. Tuman hokimi A.Bobobekov, tuman xotin-qizlar qo‘mitasi raisi M.Qudratova va boshqalar Prezidentimiz rahnamoligida “Inson manfaatlari hamma narsadan ustun” degan ezgu g‘oya hayotga izchil tatbiq etilib, qishloq ayollarining turmush sharoitini yanada yaxshilashga alohida e’tibor qaratilayotganini ta’kidladi.

– Qishlog‘imiz yildan-yilga obod, turmushimiz farovon bo‘lib borayotir, – deydi hamshira G.Azizova. – Shunday osoyishta, odamlari ahil-inoq yurtga bayramlar yarashadi. Buni o‘z hayotimiz misolida ko‘rib turibmiz.

Bayram tadbirida fermerlik va tadbirkorlikda, ijod va sportda muvaffaqiyatlarga erishayotgan xotin-qizlarga, namunali uy bekalari va mo‘tabar onaxonlarga tuman hokimligi, tuman xotin-qizlar qo‘mitasi, “Mahalla” xayriya jamoat fondi tuman bo‘limining esdalik sovg‘alari topshirildi.

Tumandagi “Do‘stlik chamani” ashula va raqs xalq ansamblining bayram konserti ishtirokchilarga yanada ko‘tarinki kayfiyat bag‘ishladi.

Tashqul Beknazarov, O‘zA
2 353






Все о погоде - Pogoda.uz