O‘zA O`zbek

07.11.2019 Chop etish versiyasi

O‘zbekistondagi eng katta harbiy poligon foydalanishga topshirildi

O‘zbekistondagi eng katta harbiy poligon foydalanishga topshirildi

O‘zbekiston Respublikasidagi eng katta poligon – Markaziy harbiy okrugga qarashli “Kattaqo‘rg‘on” dala-o‘quv maydoni foydalanishga topshirildi.

Bu haqda Mudofaa vazirligi Axborot va ommaviy kommunikatsiyalar departamenti xabar berdi.

photo_2019-11-07_10-19-18.jpg
Ushbu dala-o‘quv maydonining ochilish marosimida mudofaa vaziri general-mayor Bahodir Qurbonov, Qurolli Kuchlar bosh shtabi boshlig‘i general-mayor Pavel Ergashev, Markaziy harbiy okrug qo‘shinlari qo‘mondoni polkovnik Oybek Saidov, O‘zbekiston Qahramoni, Nuroniy jamg‘armasi Samarqand viloyati bo‘limi raisi Hasan Normurodov, faxriylar, davlat va jamoat tashkilotlari vakillari, tumandagi maktab o‘quvchi yoshlari ishtirok etdi.

Dala-o‘quv maydoni chinakam ma’noda askar akademiyasidir. Chunki poligonda harbiy xizmatchi nazariy bilimlarini amaliy sinovdan o‘tkazadi. Shu bois, Vatan himoyachilarining ham ma’nan, ham ruhan, ham jismonan tayyorgarligi oshishida, jangovar shayligining rivoj topishida poligonlarning o‘rni muhimdir.

photo_2019-11-07_10-11-39.jpg

Tantanali marosimda so‘z olgan mudofaa vaziri dala-o‘quv maydoni qurilishida jonbozlik ko‘rsatgan harbiy xizmatchilarga o‘zining samimiy minnatdorchiligini bildirdi. Albatta, bu kabi poligonlar yurtimiz himoyasi uchun bel bog‘lagan asl o‘g‘lonlar uchun malaka va tajriba orttirish maydoni bo‘lishini ta’kidladi.

photo_2019-11-07_10-19-02 (1).jpg

Shundan so‘ng poligon qurilishida ishtirok etgan bir guruh harbiy xizmatchilar mudofaa vaziri tomonidan qimmatbaho sovg‘alar bilan taqdirlandi. Shuningdek, dala-o‘quv maydoni infratuzilmasini bunyod etgan qurilish tashkilotlari vakillariga to‘n kiygizildi.

photo_2019-11-07_10-19-04.jpg

Ochilish marosimidan keyin mudofaa vaziri general-mayor B. Qurbonov boshchiligida zamonaviy dunyo talablariga mos keladigan o‘quv sinflari, tibbiyot punkti, yotoqxonalar, oshxona, sport zali, madaniyat markazi hamda jangovar texnikalar va avtomobillar turarjoylari ko‘zdan kechirildi.

photo_2019-11-07_10-19-08.jpg

O‘zbekistondagi eng katta poligon chindan ham dunyo standartlariga to‘la-to‘kis javob beradi. Unda bir vaqtning o‘zida barcha turdagi jangovar texnikalarni qo‘llagan holda o‘quv-mashg‘ulotarini olib borish imkoniyati yaratilgan.

Shuning o‘zi ham uning boshqa poligonlardan alohida ajralib turishini ta’minlaydi. O‘tkazilgan amaliy o‘quv mashg‘ulotlarida harbiy xizmatchilar zamonaviy poligonda yaratilgan o‘quv joylarida bilim va ko‘nikmalarini namoyish qilishdi.

326
O‘zA