O‘zA O`zbek

03.04.2019 Chop etish versiyasi

O‘zbekiston va Saudiya Arabistoni ishbilarmon doiralari o‘rtasida biznes muloqot boshlandi

O‘zbekiston va Saudiya Arabistoni ishbilarmon doiralari o‘rtasida biznes muloqot boshlandi

Mamlakatimizda Saudiya Arabistoni Qirolligi Savdo-sanoat palatalari Kengashi Bosh kotibi Saudbin Abdulaziz al-Mashariyboshchiligidagi delegatsiya bo‘lib turibdi. 

Delegatsiya tarkibidan Qirollikning “Far East”, “Awad Group”, “Dhel al-Nakheel”, “Rabee company” kabi 20 ga yaqin yirik kompaniyalari vakillari o‘rin olgan. 

O‘zbekiston Savdo-sanoat palatasi taqdim etgan ma’lumotlarga ko‘ra, mazkur kompaniyalar mamlakatimiz ishbilarmonlari bilan qishloq xo‘jaligi, yengil sanoat, oziq-ovqat, turizm, savdo, energetika sohalari bo‘yicha hamkorlikni yo‘lga qo‘yish istagida.

Toshkentda bugun, 3 aprel kuni tashrif doirasida ikki mamlakat ishbilarmon doiralarining biznes uchrashuvi ham o‘tkazilmoqda. Unda mamlakatimizdan 100 dan ziyod korxona vakillari ishtirok etmoqda.

photo5269588241701513944.jpg

1 033
Malohat Husanova, O‘zA