Размер шрифта: A A A
Цвет сайта: A A A A

17.03.2017 17:33 Chop etish versiyasi

Harakatlar strategiyasi o‘rganilmoqda

Toshkent temir yo‘l muhandislari institutida O‘zbekiston «Milliy tiklanish» demokratik partiyasi bilan hamkorlikda Prezidentimizning 2017-yil 7-fevraldagi "O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida"gi farmonining mazmun-mohiyatini o‘rganishga bag‘ishlangan seminar o‘tkazildi.

Toshkent temir yo‘l muhandislari instituti prorektori D.Baratov va boshqalar mazkur huquqiy hujjatning hayotimizdagi o‘rni va ahamiyatiga e’tibor qaratdi.

– Davlatimiz rahbari tashabbusi bilan ishlab chiqilgan, besh yilga mo‘ljallangan Harakatlar strategiyasini amalga oshirish barchamizga yanada katta mas’uliyat yuklaydi, – deydi Oliy Majlis Qonunchilik palatasi deputati Nodir Muxtorov. – Zotan, mazkur dasturiy hujjatni hayotga tatbiq qilish mamlakatimizning ijtimoiy-siyosiy, iqtisodiy, madaniy-ma’rifiy jabhalarini tubdan o‘zgartiradi.

Yoshlarning mamlakatimizdagi siyosiy jarayonlarga munosabatini shakllantirish, huquqiy madaniyatini yuksaltirish, ularning ongiga olib borilayotgan keng ko‘lamli islohotlar mazmun-mohiyatini yetkazish hamda faol fuqarolik pozitsiyasini kuchaytirish masalalari tadbir ishtirokchilari diqqat-e’tiborida bo‘ldi.

Davra suhbatida Harakatlar strategiyasining ustuvor yo‘nalishlaridan kelib chiqib, oliy ta’lim muassasalari oldida turgan muhim vazifalarning samarali ijrosini ta’minlash mexanizmlari haqida fikr almashildi. Talabalarni qiziqtirgan savollarga mutaxassislar javob berdi.

Shahnoza Mamaturopova, O‘zA
366






Все о погоде - Pogoda.uz