O‘zA O`zbek

24.02.2019 18:20:41 Chop etish versiyasi

Gʻoliblarga noutbuk, qolganlarga oʻquv kursiga yoʻllanma


“ROBO CODERS 2019” tanlovi gʻoliblarini taqdirlash boshlandi. Gʻoliblar uch xil talab asosida tanlandi. Yaʼni 15-20 yoshlilar oʻrtasida uchta, 21-25, 26-30 yoshgacha boʻlganlar orasida ham uchtadan gʻolib aniqlandi. Shuningdek, toʻqqizta faxrli oʻrin sohiblari ham maʼlum qilindi.

26-30 yoshgacha boʻlgan ishtirokchilar oʻrtasida Saidjalol Hasanov, 21-25 yoshgacha Sirojiddin Abdukarimov, 16-20 yoshgacha boʻlgan yoshlar oʻrtasida Nazarbek Boltabayev birinchi oʻrinni egalladi.

Koʻrsatilgan har bir yosh orasidagi birinchi oʻrin sohibiga HP 250 G6 i3-6006 4/500, ikkinchi oʻringa Acer Extensa EX2519 N3160 4/500 rusumli noutbuklar topshirildi. Uchinchi oʻrin egalari esa soʻnggi rusumdagi smartfonga ega boʻldi.

Tanlov doirasida “Eng oddiy algoritm”, “Eng mohir dasturchi”, “Eng yosh dasturi” kabi nominatsiya gʻoliblari ham aniqlandi.

– Ishtirok etib, gʻolib boʻla olmaganlar sertifikat bilan taqdirlanadi, –deydi “Mirzo Ulugbek Innovation Center“ direktorining birinchi oʻrinbosari Orifjon Fayziyev. – Markazimiz yaqinda AKT sohasida qisqa muddatli kurslar ochadi. Ular bu darslarda bepul ishtirok etishi mumkin. Bu kurslar Jizzax viloyatida boshlanadi. Yil davomida bosqichma-bosqich boshqa viloyatlarda ham tashkil etamiz. Bu oʻquv kurslari orqali ikki ming nafar isteʼdodli yoshlarni qamrab olish moʻljallanmoqda.