Размер шрифта: A A A
Цвет сайта: A A A A

22.08.2017 15:53 Chop etish versiyasi

“Eng ulug‘, eng aziz”ning g‘olib va sovrindorlari taqdirlandi

“Eng ulug‘, eng aziz”ning g‘olib va sovrindorlari taqdirlandi Prezidentimiz Shavkat Mirziyoyevning “O‘zbekiston Respublikasi davlat mustaqilligining yigirma olti yillik bayramiga tayyorgarlik ko‘rish va uni o‘tkazish to‘g‘risida”gi qarori ijrosi doirasida O‘zbekiston elektron ommaviy axborot vositalari milliy assotsiatsiyasining "Media-xoll"ida “Eng ulug‘, eng aziz” respublika ko‘rik-tanlovi g‘oliblari va sovrindorlarini taqdirlashga bag‘ishlangan marosim bo‘lib o‘tdi.

Turli vazirlik va idoralar, ijodiy va jamoat tashkilotlarining vakillari, adabiyot, madaniyat va san’at namoyandalari, ma’naviyat targ‘ibotchilari, jurnalistlar yig‘ilgan tadbirda O‘zbekiston Matbuot va axborot agentligi bosh direktori L.Tangriyev va boshqalar buyuk va bebaho ne’mat – mustaqillikning milliy taraqqiyotimiz, bugungi va kelgusi avlodlar taqdiri, kelajagi uchun beqiyos ahamiyati ortib borayotgani, xalqimizning manfaatlari, tinch va osuda hayotini ta’minlash, mamlakatimizning xalqaro miqyosdagi obro‘-e’tiborini yuksaltirishga xizmat qilayotganini ta’kidladi.

O‘zbekiston Matbuot va axborot agentligi, Madaniyat vazirligi, Jurnalistlar ijodiy uyushmasi, Yozuvchilar uyushmasi, “O‘zbekkino” Milliy agentligi, Badiiy akademiya, “Tasviriy oyina” uyushmasi, Milliy teleradiokompaniya, Elektron OAV milliy assotsiatsiyasi va boshqa tashkilotlar hamkorligida o‘tkazilgan “Eng ulug‘, eng aziz” ko‘rik-tanlovi ham buning misolidir. Yigirma yillik tarixga ega ko‘rik-tanlov bu yil “Fidoying bo‘lgaymiz seni, O‘zbekiston!” degan ezgu g‘oya asosida tashkil etildi.

25 (1).JPG

Tanlovga adabiyot, bosma va elektron ommaviy axborot vositalari, tasviriy san’at, fotografiya, dizayn, kino yo‘nalishlari bo‘yicha qariyb 500 ijodkordan 5 mingga yaqin ish kelib tushgan. Taqdim etilgan asarlarda istiqlol g‘oyalari, 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi hamda “Xalq bilan muloqot va inson manfaatlari yili” Davlat dasturining ma’no-mazmunini keng aks ettirish, qo‘lga kiritilgan yutuqlarimizning asosiy omili va mezoni sifatida birinchi navbatda xalqimizning fidokorona mehnati, odamlarimiz, avvalambor, yoshlarimizning dunyoqarashi, siyosiy ongi va tafakkuri o‘zgarib, fuqarolik pozitsiyasi tobora kuchayib borayotganini hayotiy dalil va misollar orqali talqin etishga alohida e’tibor qaratilgan.

Tantanali marosimda turli yo‘nalishlar bo‘yicha 25 g‘olib va sovrindorga diplom va esdalik sovg‘alari topshirildi.

Malohat Husanova, A’lo Abdullayev (surat), O‘zA
2 581






Все о погоде - Pogoda.uz