O‘zA O`zbek

09.08.2018 09:14 Chop etish versiyasi

Bir nafar bola uchun bog‘cha to‘lovi 52 500 so‘m

Bir nafar bola uchun bog‘cha to‘lovi 52 500 so‘m
O‘zbekistonning ko‘plab hududlarida joylashgan davlat maktabgacha ta’lim muassasalarida amaldagi ota-onalar to‘lovi miqdori 2023-yil 1-yanvarga qadar ikki baravarga pasaytirildi.

Prezidentning 2018-yil 8-avgustdagi qaroriga muvofiq, Farg‘ona viloyatining So‘x tumani, Farg‘ona tumanining Shohimardon va Yordosh qishloqlarida joylashgan davlat maktabgacha ta’lim muassasalarida amaldagi ota-onalar to‘lovi miqdori 2023-yil 1-yanvarga qadar ikki baravarga pasaytirildi.

Masalan, tuman markazi hisoblanmagan joylardagi bog‘chalarda hozirgi kunda bir nafar bola uchun to‘lov 105 ming (tuman markazida 115 ming) so‘m to‘lov belgilangan (10,5 soatlik), endilikda ushbu to‘lovning yarmi ya’ni 52 500 (tuman markazida 57 500) so‘m pul to‘lanadi.

Eslatib o‘tamiz, bundan tashqari Qashqadaryo viloyatining Dehqonobod, Kasbi, Mirishkor, Qamashi, Chiroqchi, Nishon, Yakkabog‘ va G‘uzor tumanlarida, Buxoro viloyatining Olot, Shofirkon, Qorako‘l, Peshku va Romitan tumanlarida, Surxondaryo viloyatining Qiziriq, Muzrabot, Oltinsoy, Boysun, Qumqo‘rg‘on, Uzun, Sariosiyo tumanlarida, Samarqand viloyatining Nurobod, Qo‘shrabot, Urgut, Bulung‘ur va Paxtachi tumanlarida, Jizzax viloyatining Baxmal, G‘allaorol, Forish, Mirzacho‘l va Yangiobod tumanlarida, Sirdaryo viloyatining Oqoltin, Mirzaobod, Xovos va Sardoba tumanlarida joylashgan davlat maktabgacha ta’lim muassasalarida ham ota-onalar to‘lovi miqdori ikki baravarga pasaytirilgan. Bu haqida Adliya vazirligining “Huquqiy axborot” kanali ma’lum qilmoqda.

O‘zA
3 337