O‘zbekiston Respublikasi Prezidenti Islom Karimov Koreya Respublikasi Prezidenti Pak Kin Xening taklifiga binoan 27-may kuni davlat tashrifi bilan Koreya Respublikasiga jo‘nab ketdi.

O‘zbekiston Respublikasi Prezidenti Islom Karimov Koreya Respublikasi Prezidenti Pak Kin Xening taklifiga binoan 27-may kuni davlat tashrifi bilan Koreya Respublikasiga jo‘nab ketdi.

Oliy darajadagi uchrashuvlar chog‘ida o‘zaro hamkorlikning keng ko‘lamli masalalari, mamlakatlarimiz o‘rtasidagi strategik sheriklikni izchil rivojlantirish istiqbollari, tomonlarni qiziqtirgan mintaqaviy va xalqaro muammolar muhokama etiladi.

Prezidentimiz Koreya Respublikasi hukumati va parlamenti, yetakchi iqtisodiy va moliya tuzilmalari rahbarlari bilan ham uchrashuvlar o‘tkazadi.

Tashrif yakunlari bo‘yicha ikki davlat rahbarlarining qo‘shma deklaratsiyasi qabul qilinishi, O‘zbekiston va Janubiy Koreya o‘rtasida o‘zaro manfaatli hamkorlikni yanada mustahkamlashga qaratilgan hujjatlar imzolanishi mo‘ljallangan.