Yoshlar bilan gavjum markaz
Navoiy viloyati “Barkamol avlod” bolalar markazida yoshlarning bo‘sh vaqtini mazmunli tashkil etish, ilmiy va ijodiy salohiyatini yuksaltirish uchun barcha sharoit yaratilgan.
Navoiy viloyati “Barkamol avlod” bolalar markazida yoshlarning bo‘sh vaqtini mazmunli tashkil etish, ilmiy va ijodiy salohiyatini yuksaltirish uchun barcha sharoit yaratilgan.Markazda texnik va badiiy ijodiyot, o‘lkashunoslik, ekologiya, chet tili yo‘nalishlarida to‘garaklar faoliyati yo‘lga qo‘yilgan. Zarur o‘quv anjomlari, axborot-kommunikatsiya vositalari yoshlar ixtiyorida. Mashg‘ulotlarga jalb etilgan 600 ga yaqin o‘g‘il-qiz malakali mutaxassis-pedagoglar ko‘magida o‘zi qiziqqan kasb-hunarga oid dastlabki ko‘nikmaga ega bo‘layotir.