Navoiy viloyatining Tomdi tumanida yangidan bunyod etilgan 12-bolalar musiqa va san’at maktabi foydalanishga topshirildi. Bir milliard ikki yuz million so‘m mablag‘ evaziga barpo etilgan ushbu maskan tomdilik san’atsevar yoshlarga haqiqiy Navro‘z tuhfasi bo‘ldi.

Navoiy viloyatining Tomdi tumanida yangidan bunyod etilgan 12-bolalar musiqa va san’at maktabi foydalanishga topshirildi. Bir milliard ikki yuz million so‘m mablag‘ evaziga barpo etilgan ushbu maskan tomdilik san’atsevar yoshlarga haqiqiy Navro‘z tuhfasi bo‘ldi.

Davlatimiz rahbarining bolalar musiqa va san’at maktablarining moddiy-texnik bazasini mustahkamlash va ular faoliyatini yanada yaxshilashga oid qarori asosida qurilgan mazkur dargohda barcha sharoit yaratilgan. Jumladan, katta konsert zali, maktab hovlisida mo‘jaz amfiteatr barpo etildi.

Muassasa milliy va Yevropa cholg‘u asboblari bilan ta’minlangan. Maktab kutubxonasidan zaruriy adabiyotlarning o‘rin olgani o‘quvchi-yoshlarning nazariy bilimini oshirishda asqotadi.

– Maktabimiz binosi hudud ko‘rkiga-ko‘rk qo‘shdi, – deydi 12-bolalar musiqa va san’at maktabi direktori Kuntuar Alpisbayev. – Bu yerda yaratilgan sharoitlar iste’dodli o‘g‘il-qizlarni kashf etish va san’atni rivojlantirish, yoshlarning mahoratini oshirishda muhim ahamiyat kasb etadi.