Oliy o‘quv yurtiga imtiyozli tavsiyanoma
Chirchiq oliy tank qo‘mondonlik-muhandislik bilim yurtida muddatli harbiy xizmatni o‘tab bo‘lgan bir guruh askarlarga oliy o‘quv yurtiga o‘qishga kirishda qo‘shimcha imtiyoz beruvchi harbiy qism qo‘mondonligining tavsiyanomasini topshirish va ularni kuzatishga bag‘ishlangan tantanali tadbir bo‘lib o‘tdi.
Chirchiq oliy tank qo‘mondonlik-muhandislik bilim yurtida muddatli harbiy xizmatni o‘tab bo‘lgan bir guruh askarlarga oliy o‘quv yurtiga o‘qishga kirishda qo‘shimcha imtiyoz beruvchi harbiy qism qo‘mondonligining tavsiyanomasini topshirish va ularni kuzatishga bag‘ishlangan tantanali tadbir bo‘lib o‘tdi.O‘zbekiston Respublikasi Mudofaa vazirligi huzuridagi Jamoatchilik kengashi vakillari, Chirchiq shahar hokimligi mas’ullari, O‘zbekiston yoshlar ittifoqi shahar kengashi xodimlari va hududdagi umumta’lim maktablari, kasb-hunar kollejlari o‘quvchilari ishtirok etdi.
Andijonlik askar Doniyor Xursanov safdoshlari qatori xizmat muddatini sharafli o‘tagan, belgilangan sinovlarni muvaffaqiyatli ado etib, o‘z bilimi va dunyoqarashi bilan har tomonlama faollik ko‘rsatgan yigitlardan.
– Qo‘lga kiritgan yutuqlarimga ota-onam bergan tarbiya, ustozlardan olgan bilim tufayli erishdim, – deydi D.Xursanov. – Harbiy xizmat men uchun har tomonlama foydali bo‘ldi. Sohaga oid bilimlarimni mustahkamlash bilan birga, jismonan toblandim. Ko‘plab do‘stlar orttirdim. Xizmat davrida o‘rgangan bilimlarim tufayli test sinovlarida eng yuqori ball to‘plab, harbiy qism qo‘mondonligining tavsiyanomasini olishga muvaffaq bo‘ldim. Endigi maqsadim oliy o‘quv yurtiga o‘qishga kirish, kelajakda jamiyatimizga foydasi tegadigan yaxshi mutaxassis bo‘lishdir.