Размер шрифта: A A A
Цвет сайта: A A A A

06.06.2018 18:15 Chop etish versiyasi

Pushkin dahosiga ehtirom

Poytaxtimizda Aleksandr Sergeyevich Pushkin tavalludining 219 yilligiga bag‘ishlab tadbir o‘tkazildi.

Shoir haykali qad rostlagan so‘lim go‘shada vazirlik va idoralar, jamoat tashkilotlari, milliy madaniyat markazlari, diplomatik korpus vakillari, yozuvchi va shoirlar jam bo‘ldi.

O‘zbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi raisi R.Qurbonov, Yozuvchilar uyushmasi raisining birinchi o‘rinbosari M.Hojimatov, Rossiya Federatsiyasining mamlakatimizdagi Favqulodda va muxtor elchisi V.Tyurdenev, Rus milliy madaniy markazi rahbari A.Aristov va boshqalar o‘zbek va rus xalqlari do‘stligini mustahkamlashda adabiyotning ahamiyati beqiyos ekanini ta’kidladi.

Ikki mamlakat o‘rtasidagi adabiy aloqalar yaxshi rivojlanmoqda. Toshkentda Aleksandr Pushkinga, Moskvada Alisher Navoiyga haykal o‘rnatilgani ham xalqlarimizni o‘zaro mushtarak maqsad va ajib badiiy tafakkur mahsuli bog‘lab turganining namunasidir.

Tadbirda Pushkin haykali poyiga gullar qo‘yildi, shoir ijodidan namunalar o‘qildi.

Gulnoza Boboyeva, O‘zA
1 610