Quyonchilik rivojlanmoqda
Qoraqalpog‘iston Respublikasi Xo‘jayli tumanidagi “Plutos Lapin” mas’uliyati cheklangan jamiyati shaklidagi agrofirma quyonchilikka ixtisoslashgan.
Qoraqalpog‘iston Respublikasi Xo‘jayli tumanidagi “Plutos Lapin” mas’uliyati cheklangan jamiyati shaklidagi agrofirma quyonchilikka ixtisoslashgan.O‘tgan yili “Mikrokreditbank”ning 400 million so‘mlik imtiyozli krediti hisobidan tashkil etilgan agrofirmada Italiyadan keltirilgan 400 dan ziyod naslli quyon parvarishlanmoqda.
–“Yangi Zelandiya” zotiga mansub va tez ko‘payadigan, mo‘ynasi xaridorgir ushbu naslli quyonlarni mahalliy iqlim sharoitiga moslashtirish borasida veterinar-mutaxassislar bilan hamkorlikda ish olib borilmoqda, – deydi agrofirma rahbari Maqsad Allaniyozov. – Kelgusida quyon go‘shti va mo‘ynasini o‘zimizda qayta ishlab, eksportga yo‘naltirishni rejalashtirganmiz.