Poytaxtimizda 19-oktabr kuni O‘zbekiston va Qozog‘iston ishbilarmonlari biznes forumi bo‘lib o‘tdi.

Poytaxtimizda 19-oktabr kuni O‘zbekiston va Qozog‘iston ishbilarmonlari biznes forumi bo‘lib o‘tdi.

Unda ikki mamlakatning savdo, sarmoya, qurilish, kimyo, farmatsevtika, oziq-ovqat, qishloq va suv xo‘jaligi, energetika, avtomobilsozlik, yengil sanoat, transport va logistika, axborot texnologiyalari kabi sohalar uchun mas’ul vazirlik va idoralari, kompaniya va konsernlari rahbarlari ishtirok etdi.

O‘zbekiston Respublikasi Savdo-sanoat palatasi raisi A.Ikromov, Qozog‘istonning mamlakatimizdagi Favqulodda va muxtor elchisi Ye.Utembayev, “Kazakh invest” kompaniyasi boshqaruvi raisi A.Arinov va boshqalar mamlakatlarimiz o‘rtasidagi aloqalar barcha sohalarda izchil rivojlanayotganini ta’kidladi. Mamlakatlarimiz o‘rtasida imzolangan Abadiy do‘stlik to‘g‘risida shartnoma, Strategik sheriklik to‘g‘risidagi shartnoma va boshqa qator hujjatlar bunda muhim huquqiy asos bo‘lib xizmat qilmoqda.

O‘zbekiston bilan Qozog‘iston o‘rtasida sarmoyaviy, savdo-iqtisodiy, ijtimoiy sohalarda manfaatli hamkorlikka oid istiqbolli loyihalar amalga oshirilmoqda. O‘zaro tovar ayirboshlash hajmi barqaror o‘smoqda. Mamlakatimizda Qozog‘iston kapitali ishtirokidagi 200 dan ziyod kompaniya faoliyat yuritmoqda. O‘zaro tovar aylanmasi 2016 yilda 2 milliard dollardan oshdi. Joriy yilning yanvar-avgust oylarida savdo aylanmasi 35 foiz o‘sdi. Bunda shu yil mart oyida qabul qilingan O‘zbekiston Respublikasi bilan Qozog‘iston Respublikasi o‘rtasida 2017-2019 yillarga mo‘ljallangan iqtisodiy hamkorlik strategiyasi muhim dasturilamal bo‘lmoqda.

Ikki mamlakat ishbilarmonlari ishtirokida tashkil etilayotgan biznes-forumlar savdo-iqtisodiy sohada mavjud imkoniyatlardan yanada samarali foydalanish imkonini bermoqda. Shu yil mart oyida Ostona shahrida hamda sentyabr oyida Toshkentda bo‘lib o‘tgan biznes- forumlarda umumiy qiymati 1,2 milliard dollarga teng bitimlar imzolandi.

Forumda qozog‘istonlik ishbilarmonlarga Prezidentimiz Shavkat Mirziyoyev tashabbusi bilan ishlab chiqilgan O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi asosida barcha sohalarda chuqur tarkibiy o‘zgarishlar amalga oshirilayotgani haqida ma’lumot berildi. Yurtimizda qulay sarmoyaviy muhitni shakllantirish, tadbirkorlar va investorlar uchun soliq, bojxona imtiyozlarini kafolatlaydigan qonunlar hamda boshqa hujjatlar qabul qilinayotgani qayd etildi.

Biznes-forum doirasida “Chirchiq transformator zavodi” va Qozog‘istonning “Alageum Electric” aksiyadorlik jamiyatlari o‘rtasida hamkorlik to‘g‘risida memorandum va boshqa kelishuvlar imzolandi.

– Mamlakatimizda sanoatni modernizatsiya va diversifikatsiya qilish izchillik bilan olib borilmoqda, – deydi “Chirchiq transformator zavodi” AJ bosh direktori A.Nazarov. – Bu boradagi chora-tadbirlar zamonaviy va yuqori texnologik uskunalarni ishlab chiqarishga joriy etish imkonini bermoqda. Qozog‘istonning “Alageum Electric” aksiyadorlik jamiyati bilan tuzilgan memorandum hamkorlikda yuqori kuchlanishli transformatorlar ishlab chiqarishni nazarda tutadi.

Forum davomida B2B shaklidagi muloqotlar ham tashkil etildi. Unda ishtirokchilar turli sohalardagi o‘zaro manfaatli hamkorlikni yo‘lga qo‘yish istiqbollarini muhokama qildi.

– O‘zbekiston zaminida yetishtirilayotgan sarxil meva-sabzavotlar sifati, mazasi va vitaminlarga boyligi bilan mashhur, – deydi Qozog‘istondagi “Swiss Grow” qo‘shma korxonasi tijorat direktori M.Saurbekov. – Korxonamizda qishloq xo‘jaligi ekinlari uchun o‘g‘itlar ishlab chiqariladi. Forumda o‘zbekistonlik ishbilarmonlar bilan qishloq xo‘jaligi mahsulotlarini xavfsiz va samarali yetishtirish bo‘yicha muzokaralar olib bordik. Bu hamkorligimiz kelgusida o‘z samaralarini berishiga ishonamiz.

Biznes-forumda yangi investitsiya loyihalarini amalga oshirish, qo‘shma korxonalar faoliyatini yo‘lga qo‘yish masalalari ham ko‘rib chiqildi.

Oʻzbek
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
O‘zbekiston – Qozog‘iston biznes forumi

Poytaxtimizda 19-oktabr kuni O‘zbekiston va Qozog‘iston ishbilarmonlari biznes forumi bo‘lib o‘tdi.

Poytaxtimizda 19-oktabr kuni O‘zbekiston va Qozog‘iston ishbilarmonlari biznes forumi bo‘lib o‘tdi.

Unda ikki mamlakatning savdo, sarmoya, qurilish, kimyo, farmatsevtika, oziq-ovqat, qishloq va suv xo‘jaligi, energetika, avtomobilsozlik, yengil sanoat, transport va logistika, axborot texnologiyalari kabi sohalar uchun mas’ul vazirlik va idoralari, kompaniya va konsernlari rahbarlari ishtirok etdi.

O‘zbekiston Respublikasi Savdo-sanoat palatasi raisi A.Ikromov, Qozog‘istonning mamlakatimizdagi Favqulodda va muxtor elchisi Ye.Utembayev, “Kazakh invest” kompaniyasi boshqaruvi raisi A.Arinov va boshqalar mamlakatlarimiz o‘rtasidagi aloqalar barcha sohalarda izchil rivojlanayotganini ta’kidladi. Mamlakatlarimiz o‘rtasida imzolangan Abadiy do‘stlik to‘g‘risida shartnoma, Strategik sheriklik to‘g‘risidagi shartnoma va boshqa qator hujjatlar bunda muhim huquqiy asos bo‘lib xizmat qilmoqda.

O‘zbekiston bilan Qozog‘iston o‘rtasida sarmoyaviy, savdo-iqtisodiy, ijtimoiy sohalarda manfaatli hamkorlikka oid istiqbolli loyihalar amalga oshirilmoqda. O‘zaro tovar ayirboshlash hajmi barqaror o‘smoqda. Mamlakatimizda Qozog‘iston kapitali ishtirokidagi 200 dan ziyod kompaniya faoliyat yuritmoqda. O‘zaro tovar aylanmasi 2016 yilda 2 milliard dollardan oshdi. Joriy yilning yanvar-avgust oylarida savdo aylanmasi 35 foiz o‘sdi. Bunda shu yil mart oyida qabul qilingan O‘zbekiston Respublikasi bilan Qozog‘iston Respublikasi o‘rtasida 2017-2019 yillarga mo‘ljallangan iqtisodiy hamkorlik strategiyasi muhim dasturilamal bo‘lmoqda.

Ikki mamlakat ishbilarmonlari ishtirokida tashkil etilayotgan biznes-forumlar savdo-iqtisodiy sohada mavjud imkoniyatlardan yanada samarali foydalanish imkonini bermoqda. Shu yil mart oyida Ostona shahrida hamda sentyabr oyida Toshkentda bo‘lib o‘tgan biznes- forumlarda umumiy qiymati 1,2 milliard dollarga teng bitimlar imzolandi.

Forumda qozog‘istonlik ishbilarmonlarga Prezidentimiz Shavkat Mirziyoyev tashabbusi bilan ishlab chiqilgan O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi asosida barcha sohalarda chuqur tarkibiy o‘zgarishlar amalga oshirilayotgani haqida ma’lumot berildi. Yurtimizda qulay sarmoyaviy muhitni shakllantirish, tadbirkorlar va investorlar uchun soliq, bojxona imtiyozlarini kafolatlaydigan qonunlar hamda boshqa hujjatlar qabul qilinayotgani qayd etildi.

Biznes-forum doirasida “Chirchiq transformator zavodi” va Qozog‘istonning “Alageum Electric” aksiyadorlik jamiyatlari o‘rtasida hamkorlik to‘g‘risida memorandum va boshqa kelishuvlar imzolandi.

– Mamlakatimizda sanoatni modernizatsiya va diversifikatsiya qilish izchillik bilan olib borilmoqda, – deydi “Chirchiq transformator zavodi” AJ bosh direktori A.Nazarov. – Bu boradagi chora-tadbirlar zamonaviy va yuqori texnologik uskunalarni ishlab chiqarishga joriy etish imkonini bermoqda. Qozog‘istonning “Alageum Electric” aksiyadorlik jamiyati bilan tuzilgan memorandum hamkorlikda yuqori kuchlanishli transformatorlar ishlab chiqarishni nazarda tutadi.

Forum davomida B2B shaklidagi muloqotlar ham tashkil etildi. Unda ishtirokchilar turli sohalardagi o‘zaro manfaatli hamkorlikni yo‘lga qo‘yish istiqbollarini muhokama qildi.

– O‘zbekiston zaminida yetishtirilayotgan sarxil meva-sabzavotlar sifati, mazasi va vitaminlarga boyligi bilan mashhur, – deydi Qozog‘istondagi “Swiss Grow” qo‘shma korxonasi tijorat direktori M.Saurbekov. – Korxonamizda qishloq xo‘jaligi ekinlari uchun o‘g‘itlar ishlab chiqariladi. Forumda o‘zbekistonlik ishbilarmonlar bilan qishloq xo‘jaligi mahsulotlarini xavfsiz va samarali yetishtirish bo‘yicha muzokaralar olib bordik. Bu hamkorligimiz kelgusida o‘z samaralarini berishiga ishonamiz.

Biznes-forumda yangi investitsiya loyihalarini amalga oshirish, qo‘shma korxonalar faoliyatini yo‘lga qo‘yish masalalari ham ko‘rib chiqildi.