Prezidentimiz Islom Karimovning joriy yil 27-iyundagi Respublika iqtisodiyoti tarmoqlarini 2014-2015-yillar kuz-qish davrida barqaror ishlashga tayyorlashni ta’minlash chora-tadbirlari to‘g‘risidagi qarori ijrosi doirasida Samarqand shahrida ham keng ko‘lamli ishlar amalga oshirilmoqda.

Prezidentimiz Islom Karimovning joriy yil 27-iyundagi Respublika iqtisodiyoti tarmoqlarini 2014-2015-yillar kuz-qish davrida barqaror ishlashga tayyorlashni ta’minlash chora-tadbirlari to‘g‘risidagi qarori ijrosi doirasida Samarqand shahrida ham keng ko‘lamli ishlar amalga oshirilmoqda.

Shahardagi «Boqiy Samarqand servis» uy-joy mulkdorlari shirkati uyushmasi tasarrufida sakkizta ko‘pqavatli turar joy mavjud. Bo‘stonsaroy ko‘chasida zamonaviy shaharsozlik talablari asosida yangidan bunyod etilgan 32-, 34-, 34-A, 38- va 40-ko‘pqavatli turar joy binolarida kuz-qish mavsumida kommunal muammolar vujudga kelmasligi uchun barcha sharoit yaratilgan. Mazkur shirkat uyushmasi raisi Hasan Turdiyevning aytishicha, ayni paytda O‘zbekiston ko‘chasidagi qator ko‘pqavatli uylarda issiqlik ta’minotini yaxshilash maqsadida lokal qozonxona o‘rnatilib, ichki isitish tarmoqlari ta’mirlanmoqda. Hududni obodonlashtirish, turar joy binolari yo‘lakchalarini ta’mirlash, eshik-romlarni yangilash kabi yumushlar ham amalga oshirilayotir.