—

- Ўзбекистонда резавор мевалар унчалик кўп тарқалган эмас, - дейди Тошкент давлат аграр университетининг мустақил тадқиқотчиси Шоира Валиева. – Юртимизда асосан қлупнай, малина етиштирилади. Шунда ҳам малина водийда ва Тошкент вилоятининг тоғли зоналарида ёввойи ҳолда ўстирилиб, аҳоли томонидан етиштириб келинмоқда. Лекин, плантацияларимиз мавжуд эмас. Бу ўсимликларни ўрганишдан мақсад совуққа чидамлилиги, ҳосилдорлигини юқорилилигини биринчи навбатга қўйишимиз мумкин...

<iframe width="650" height="420" src="https://www.youtube.com/embed/58_mRoHDZF8" title="Malina va yejevikaning serhosil navlari koʻpaytiriladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Хусусан, Академик Маҳмуд Мирзаев номидаги боғдорчилик, узумчилик ва виночилик илмий-тадқиқот институти ер майдонидан ёш олиманинг тажриба-синов тадқиқотлари учун махсус жой ажратилиб, фаолияти қўллаб-қувватланди. 

Албатта, юртимизда шифобахш бўлган ушбу ўсимлик турига талаб юқори. Шу боис кейинги йилларда малина ва ежевиканинг плантацияларини ташкил қилиш, саноат усулида қайта ишлаш ва аҳолининг сифатли сервитамин меваларга бўлган талабини қондириш ва оммалаштиришга катта эътибор қаратилмоқда. 

Малина келиб чиқиш ватани Европа ҳудуди ҳисобланса-да, селекционер олимларнинг ютуғи бўлган тикансиз ежевика навлари АҚШда кенг тарқалди. Айтиш керакки, жаҳон бўйича барча резавор меваларни етиштиришда ушбу давлат етакчилик қилади, малина ва ежевика ҳам бундан мустасно эмас. 

Санжар Тошпўлатов, Улуғбек Тўхтаев (видео), ЎзА