ИЭСда касб байрами нишонланди
Ҳаётимизни бир кун ҳам электрсиз тасаввур этиш қийин. Бу соҳада меҳнат қилаётган ҳар бир ҳодимнинг меҳнати ҳам шарафли, ҳам машаққатли.
Бу соҳа вакиллари куни кеча касб байрамини катта тантана билан нишонлашди.
Сирдарё ИЭС электр энергияси ишлаб чиқариш қувватлари бўйича нафақат республикамизда, балки Ўрта Осиёда ҳам етакчи корхоналардан ҳисобланади. Ҳозир корхонада 2000 дан зиёд ишчи-ходим фидокорона меҳнат қилиб келмоқда.
Энергетиклар куни муносабати билан Сирдарё ИЭС корхонасида меҳнат қилаётган ишчи-ходимларга “Энергетика фахрийси” кўкрак нишони ҳамда “ИЭС” АЖ ва бирлашган касаба уюшмасининг фахрий ёрлиқлари топширилди.
Турли расмий идоралар, ҳамкор ташкилотлар томонидан ҳам корхона раҳбарияти номига ташаккурномалар, эсдалик совғалари берилди.
Ш.Суяров, ЎзА мухбири