Олий Мажлис Қонунчилик палатасида қуйи палата Спикери ўринбосари Одилжон Тожиев иштирокида АҚШ Сенатининг Ташқи алоқалар қўмитаси аъзолари – қўмита Девони раҳбари ўринбосари Энди Олсон ва катта референти Ҳанна Тоберн билан учрашув бўлиб ўтди.

Учрашувда парламентлараро алоқалар, икки мамлакат ҳамкорлиги ривожида парламентларнинг ўрни ҳақида фикр алмашилди.  

Мулоқотда Ўзбекистон-АҚШ муносабатлари ҳақида сўз борар экан, ўзаро алоқаларни IT-технологиялари, меҳнат миграцияси, тоғ-кон геология каби соҳаларда янги қўшма лойиҳалар билан бойитиш мумкинлиги қайд этилди.    

Икки мамлакат савдо алоқаларига АҚШнинг “Савдо тўғрисида”ги қонунига 1974 йили киритилган “Жексон-Веник” тузатиши салбий таъсир кўрсатаётгани, уни бекор қилиш зарурлиги муҳокама қилинди.  

Конструктив руҳда ўтган учрашув якунида парламентлараро алоқаларни кенгайтиришга келишиб олинди.  

 

М.Комилова,

ЎзА