АҚШ пойтахтида ҳам ҳаво ҳарорати рекорд даражани кўрсатмоқда
АҚШ пойтахти Вашингтон ва унинг атрофидаги Мэриленд ва Виржиния штатларида 22 июнь куни кузатув тарихидаги энг иссиқ ҳарорат қайд этилди.
АҚШ миллий метеорология хизмати хабарида шанба куни пойтахт аэропортида ҳарорат тарихий юқори кўрсаткичга чиққани айтилган. Виржиния аэропортида термометр устуни Фаренгейт бўйича 100 (Цельсийда 37,8) даражага кўтарилган. Шу тариқа 1988 йил қайд этилган 99 даражалик рекорд янгиланган. Штатдаги Рональд Рейган аэропортида ҳам рекорд даражадаги иссиқ кузатилган.