“Axios” портали ёзишича, Президент Дональд Трамп 29 сентябрь – Оқ уйда Исроил Бош вазири Биньямин Нетаньяху билан учрашган куни АҚШ Қатар хавфсизлигини таъминлашни кучайтиришига доир махсус фармонни имзолаган.

– Қўшма Штатлар Қатар ҳудуди суверенитети ёки муҳим инфратузилмасига қилинган ҳар қандай қуролли ҳужумни ўз тинчлиги ва хавфсизлигига таҳдид сифатида қабул қилади, – дейилган ҳужжатда. – Бундай ҳужум содир бўлган тақдирда АҚШ ва Қатар манфаатини ҳимоя қилиш, давлатларимизда тинчлик ва барқарорликни тиклаш учун тегишли барча қонуний, жумладан дипломатик, иқтисодий ҳамда лозим бўлганда, ҳарбий чоралар кўрилади.

С.Раҳимов, ЎзА