Тожибаева Наргиза Келдибековна Сирдарё вилояти ҳокимининг ўринбосари – оила ва хотин-қизлар бошқармаси бошлиғи вазифасини бажарувчи этиб тайинланди.
Тожибоева Наргиза Келдибековна 1974 йилда Гулистон туманида туғилган. 1996 йилда Гулистон Давлат Университетини тамомлаган. Меҳнат фаолиятини 1996 йилда Оқолтин туманидаги 17- умумтаълим мактабида рус тили фани ўқитувчилигидан бошлаган.
1998 -2001 йилларда Гулистон шаҳар ҳокимлиги оила, оналик ва болаликни муҳофаза қилиш бош мутахассиси, 2001-2005 йилларда Сирдарё вилояти хотин-қизлар қўмитаси етакчи мутахассиси, 2005-2009 йилларда Сирдарё вилояти ҳокимлиги хотин-қизлар масалалари котибияти бош мутахассиси, 2009-2017 йилларда Сирдарё вилояти ҳокимлиги хотин-қизлар масалалари котибияти мудири, 2017 йилда Оқолтин тумани ҳокими ўринбосари, хотин-қизлар қўмитаси раиси, 2017-2020 йилларда Гулистон шаҳар ҳокимининг ўринбосари, хотин-қизлар қўмитаси раиси, 2020 йилдан ҳозирги кунга қадар Сирдарё вилояти Маҳалла ва оилани қўллаб-қувватлаш бошқармаси бошлиғининг биринчи ўринбосари, вилоят ҳокимининг хотин-қизлар масалалари бўйича маслаҳатчиси лавозимида фаолият юритиб келган.
ЎзА