Ўзбекистон гимнастика федерациясига янги раҳбар сайланди
Бугун Ўзбекистон гимнастика федерациясининг ҳисобот-сайлов конференцияси бўлиб ўтди.
Унда ташкилий масала кўрилди. Ушбу тадбирда Миллий олимпия қўмитаси бош котиби Ойбек Қосимов, Ўзбекистон гимнастика федерацияси мутасаддилари, тренерлар ва спорт жамоатчилиги вакиллари иштирок этди.
Конференцияда “Ўзавтосаноат” АЖ компанияси бошқарув раҳбари Шавкат Умрзоқов номзоди Ўзбекистон гимнастика федерацияси раислигига илгари сурилди ва конференция делегатлари томонидан бир овоздан маъқулланди.
Бу ҳақда Миллий олимпия қўмитаси матбуот хизмати хабар берди.
ЎзА