АҚШ президенти маъмурияти Украина президенти Владимир Зеленскийни Львовга кўчиб ўтишга кўндиришга уринмоқда, деб хабар тарқатди ABC телеканали расмий манбаларга таяниб.

Хабарда таъкидланишича,  ушбу чора Украина етакчисининг хавфсизлиги учун зарур ҳисобланади. 

Сўнгги кунлари Донбассда вазият янада кескинлашди.  Киев Донбасс билан чегара чизиғига катта қўшинларини олиб келган ва доимий равишда Донецк билан Луганскни ўққа тутмоқда. Тинч аҳоли орасида қурбонлар борлиги айтилмоқда. Украинанинг ЛХР ва ДХРга бостириб кириш таҳдиди туфайли аёллар, болалар ва кекса ёшдагилар Россия ҳудудига кўчирила бошланди, шунингдек, оммавий чақириқ эълон қилинган. 
 
Куни кеча Россия президенти Владимир Путин  россияликларга мурожаат қилиб,  ЛХР ва ДХР мустақиллигини зудлик билан тан олиш зарур, деб ҳисоблашини маълум қилди. Шундан кейин давлат раҳбари тегишли фармонни имзолаган.