Данғара туманидаги "Абдусамад" маҳалла фуқаролар йиғинида лайлаклар рақси (+видео)
Фарғона вилояти Данғара туманида лайлаклар макон топган ҳудудлар кўп.
«Хоб бобо» зиёратгоҳида кўплаб лайлакларни учратиш мумкин. Асрий дарахтлар тепасига ин қурган лайлаклар зиёратгоҳ рамзига айланган. Туркистон лайлаклари "Қизил китоб"га киритилган.
"Абдусамад" маҳалла фуқаролар йиғини Сирдарёга туташ ҳудудда жойлашган. Дарёнинг ўртасида 50 гектар майдондан иборат оролча бўлиб, халқ тилида "Бўри ороли" деб аталади. Бу ерда юзлаб лайлаклар дарахтларга ин қурган. Маҳаллий аҳолининг айтишича, улар шу ерда азалдан яшайди.
Лайлаклар баланд учади ва тинч юртларга маскан қуради. Қачонки, қўнган жойида ўзини бехавотир сезса, бир оёқда туриб дам олади. Юртимиздаги тинчлик ва осойишталик боис уларнинг парвози юксак, рақслари шукуҳли.
<iframe width="1074" height="604" src="https://www.youtube.com/embed/wUWyjSIKOws" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>М. Сулаймонов, ЎзА