Пекин-2022: бугуннинг илк ғолиблари аниқланди
Пекин шаҳрида давом этаётган Қишки олимпия ўйинларининг ўн тўртинчи кунида фристайлнинг хафпайп йўналишида ғолиблар номи аниқланди.
Аёллар ўртасидаги фристайлнинг хафпайп йўналишида хитойлик Эйлин Гу Олимпиада чемпиони бўлди. Мезбонлар вакиласи 95,22 балл билан олтин медални қўлга киритди.
Канада терма жамоаси аъзоси Кэсси Шарп 90,75 балл билан кумуш медалга эга чиққан бўлса, унинг ватандоши Рэйчел Каркер (87,75 балл) бронза медали билан тақдирланди. Финалда жами 12 спортчи иштирок этган. Уларнинг ҳар бири учтадан имкониятдан фойдаланди.
ЎзА